Անհատական Աշխատանք Ինքնահավաստագրման հիմնադրույթներ
Բովանդակություն
Ներածություն
1. Ինքնահավաստագրման հասկացությունը
2. Ինքնահավաստագրման համակարգը
Եզրակացություն
Օգտագործված գրականության ցանկ
Ներածություն
Ընդհանուր առմամբ հավաստագրումը գործունեություն է, որի արդյունքում հավաստիացվում է արտադրանքի, աշխատանքի, որակի համակարգի համապատասխանությունը նորմատիվ փաստաթղթերով սահմանված պահանջներին:
Հավաստագրման օբյեկտ են հանդիսանում արտադրանքը, որակի համակարգը, ծառայությունները, անձնակզմը:
Հավաստագրումն իրականացվում է ներքոնշյալ նպատակների իրականացման համար`
1. ապահովել արտադրանքի, աշխատանքի և ծառայության անվտանգությունը շրջակա միջավայրի, մարդկանց կյանքի, առողջության և գույքի պահպանման համար,
2. ապահովել ապրանքային շուկաներում միջազգային` այդ թվում գիտատեխնիկական, համագործակցության բնագավառներում տնտեսվարող սուբյեկտների գործունեության ծավալելու հնարավորությունը,
3. ապահովել սպառողների իրավունքների պաշտպանությունը,
4. իրականացնել սերտիֆիկացված արտադրանքի, աշխատանքի, ծառայության համապատասխանության վերահսկողությունը,
5. իրականացնել նորմատիվ փաստաթղթերին արտադրանքի, աշխատանքի, ծառայության որակական ցուցանիշների համապատասխանության հավատումը:
Ապրանքների համապատասխանության հավաստագրումը երաշխիքն է այն մասին, որ դրանք բավարարում են կոնկերտ միջազգային, ազգային ստանդարտների կամ այլ նորմատիվային փաստաթղթերի պահանջները: Հավաստագրման կամ համապատասխանության նշանի առկայությունն ապրանքի շուկայական մրցունակության և բարձր որակի հավաստումն է:
Տարբերում ենք ինքնահավաստագրում հասկացությունը, որի ուսումնասիրությանն էլ նպատակաուղղված է սույն աշխատանքը: Սույն հասկացությունը հավաստագրման տեսակ է, որն իրականացվում է հենց արտադրողի կողմից` սեփական արտադրանքի վերաբերյալ համապատասխան փորձարկումների և դրանք փաստող հատուկ փաստաթղթով` հավաստագիր, ներկայացնելու միջոցով:
