Թարգմանչական աշխատանքներ

Դիպլոմային Համավարակի քաղաքական շահարկումները հայաստանյան մեդիայում

Բովանդակություն
Ներածություն
Գլուխ 1. Համավարակի մուտքը Հայաստան. լուսաբանման յուրահատկությունները
Գլուխ 2. Համավարակի լուսաբանման մանիպուլատիվ երանգավորումները հայաստանյան լրատվադաշտում
Եզրակացություններ
Գործնական աշխատանք
Օգտագործված գրականության ցանկ

Հատված
«Երկիրն» այսքանով չի սահմանափակվում և «Աստրա Զենեկայի» մասին վիճակագրական տվյալներ և սոցիալական հարցման արդյունքներ ներկայացնելուց բացի փորձում է ժողովրդի մեջ խուճապ առաջացնել: Հոդվածում քննարկվում է կառավարության որոշումը, ըստ որի Աստրա Զենեկայով կպատվաստվեն 55-ից բարձր տարիք ունեցող անձիք: Տարիքային շեմի ընտրությունը բացատրվում է այսպես. «Դե, մեծ են, ինչ լինում է, լինի: Այսպես, AstraZeneca-ն «կսաղացնեն» տատիկ-պապիկների վրա»,-նշում է «Երկիրը»: Բայց այն ամենը դեռ վերջը չէ: Խնդիրն այն է, որ մայիսի վերջին ավարտվում է «Աստրա Զենեկայի» պիտանելիության ժամկետը: Եվ հարց է առաջանում՝ արդյո՞ք կառավարությունը կհասցնի սահմանված ժամկետում կիրառել պատվաստանյութը, թե՞ երկիրը կունենա անիմաստ ծախս: Հոդվածն ընթերցողներին է դիմում հարցով. «Նկատի ունենալով «AstraZeneca»-ի շուրջ ձևավորվող բացասական կարծիքը, հակաքարոզը, այն հանգամանքը, որ օրական նոր մահեր են ի հայտ գալիս, որոնց պատճառը եղել է վտանգավոր պատվաստանյութը, կարելի է եզրակացնել, որ Հայաստանի բնակչությունը զանգվածաբար հրաժարվելու է «AstraZeneca»-ից: Արդյոք սա չի՞ նշանակում, որ կառավարությունը փողը ջուրը գցեց»: Այդ հարցին, սակայն կառավարությունն ունի իր պատասխանը: Նախարարության խոսնակը նշում է. «այն պատվաստանյութը, որն ավելի որակով է ու քիչ է հագեցված քիմիական բաղադրիչներով, ավելի կարճ պահպանության ժամկետ ունի, իսկ լավ հագեցածի պահպանման ժամկետը երկար է: Մենք հիմա կարողանում ենք տարբերել լավն ու վատը ու առաջարկված տարբերակներից ընտրում ենք այն, որը որ պետք է»: «Այնպիսի հակաքարոզ է գնացել, որ մարդիկ վախենում են այդ վակցինայով պատվաստվել: Ո՞ր խելագարը կամավոր կգնա «AstraZeneca»- ով պատվաստման: Ըստ խոսնակի, իրենք արդեն մի քանի հոգու համաձայնություն ունեն, ովքեր վաղն առաջին պատվաստվողներն են լինելու: Նրանց ներարկման պրոցեսը նկարահանելու են ու լայնորեն գովազդեն»,-գրում է թերթը: Հանրային հեռուստաընկերությունը համավարակի վերլուծություններում մեջբերում է վարչապետ Նիկոլ Փաշինյանի խոսքերը. «Համավարակ է, ի վերջո, չի կարելի ընթացքը կանխատեսել, բայց, կարծում եմ, որ մեր կառավարությունը լավագույնս է կառավարել կորոնավիրուսի համավարակը: Այո, մենք կորոնավիրուսից ունենք 3000-ից ավելի մահվան դեպք, բայց ո՞ր երկիրն է, որ չունի: Այո, կային մեզ հետ համեմատելի երկրներ, որոնց, օրինակ, հուլիսին մահվան թվերը 10 անգամ ավելի պակաս էին, քան մերը, բայց այսօր նրանք մահվան թվերով և դեպքերով շատ ավելի առաջ են քան Հայաստանը»: Թեև Հանրայինը սեփական կարծիքը չի հայտնում վարչապետի խոսքերի մասին, բայց վերջինիս խուսափողական պատասխանը շատ ավելին է ասում: «Ո՞ր երկիրը մահ չունի»: Բոլորին էլ հայտնի է, որ Հանրային հեռուստաընկերությունը մասամբ ֆինանսավորվում է պետբյուջեից և վարում է իշխամանետ քաղաքականություն, դրա համար էլ երբեմն ստիպված է լինում օպերատիվ տեղեկատվության փոխարեն մատուցել իրադարձությունները՝ առանց սեփական մեկնաբանության՝ երբեմն ծածկելով բացասական կողմերը: Կորոնավիրուսի վիճակագրական տվյալների ամփոփման ժամանակ Հանրայինը հիշեցնում է կառավարության պայքարի ձևերն ու արդյունավետությունը: Ընդգծում է հատկապես կրթական հաստատությունները փակելու և հեռավար կրթության անցնելու կառավարության որոշումը, որը հնարավորություն տվեց խուսափել հիվանդության տարածման հազարավոր դեպքերից: «Կորոնավիրուսի դեմ պայքարում Հայաստանը ծախսեց 15 միլիարդից ավելի, որից մոտ 5 միլիարդը՝ վերապրոֆիլավորված բժշկական կենտրոնների պահպանման համար, 2 միլարդից ավելին՝ դեղորայքի, 3 միլիարդից ավելին տրամադրվել է բժշկական սարքավորումներով հագեցվածությանը:

Գրականության ցանկ
1. www.168.am
2. www.1lurer.am
3. www.aravot.am
4. www.arlis.am
5. www.armlur.am
6. www.armtimes.com
7. ,,,